Një ngjarje e rëndë është regjistruar në Tiranë, ku një efektiv policie është vrarë nga djali i tij i mitur.
Ngjarja ishte aksidentale pasi R. Bicerri kishte dalë te bilardo pranë shtëpisë së tij për të luajtur me disa miq ndërkohë që me vete kishte edhe djalin. Teksa ka qenë duke biseduar me miqtë e tij, djali i tij ka marrë armën nga çanta e të atit dhe ka qëlluar në drejtim të tij.
Bicerri ka mbetur fillimisht i plagosur por më pas ka ndërruar jetë si pasojë e plagës. Policia njoftoi se grupi Hetimor dhe shërbimet e Policisë ndodhen në vendngjarje dhe vijon puna për sqarimin e plotë të rrethanave të ngjarjes
