Detaje të reja dalin nga vrasja e 37-vjeçarit Ajet Guneli. Ekspertiza mjeko-ligjore konfirmon 20 plumba kallashnikovi në trupin e viktimës. Viktima ndodhet ende në Morgun e Beratit.
Viktima e atentatit të djeshëm me armë zjarri në një lokal në fshatin Goraj të qytetin e Kuçovës rezulton të jetë ende në Morgun e Spitalit Rajonal të Beratit. Në Morgun e Beratit nuk është paraqitur ende asnjë familjar për të tërhequr trupin e pajetë të 37-vjeçarit, që vazhdon ende të qëndrojë në frigorifer.
Drejtoria Vendore e Policisë Berat konfirmojnë se në vendngjarje janë gjetur 27 gëzhoja të së njëjtës armë kallashnikov,që është edhe arma e krimit.
Sipas burimeve, ekspertiza mjeko-ligjore ka konfirmuar se në trupin e viktimës ka pasur 20 plumba. Raportohet se viktima Ajet Guneli kishte marrë një plumb në qafë, 2 plumba në bark dhe 17 plumba në gjymtyrët e poshtëm dhe sipas raportit të mjekësisë ligjore, viktima kishte vdekur në vend.
VIJON…
