Plarent Dervishaj, ish-anëtar i Bandës së Durrësit, i shpallur në kërkim ndërkombëtar për vrasjen e Klodian Saliut, me urdhër të Prokurorisë Posaçme Anti-Korrupsion (SPAK), është arrestuar ditën e sotme në Dubai.
Dosja për vrasjen e bujshme të ndodhur në 26 shkurt të vitit 2005 u hap pas rrëfimit të bashkëpunëtorit të drejtësisë Luftar Reçi, i cili deklaroi se ekzekutimi i ndodhur në autostradën Tiranë-Durrës është bërë nga Plarent Dervishaj dhe Indrit Taullai me urdhër të Lulzim Berishës.
Sipas Reçit, Dervishaj ka qenë bashkëpunëtor edhe në përgatitjen e bombës së vendosur për një tjetër vrasje të bujshme të ndodhur në vitin 2005, atë të sipwrmarrwsit Vajdin Lamaj, e cila sipas tij është porositur nga Lulzim Berisha me kërkesë të Emiljano Shullazit.
