Situata paraqitete serioze në vendin tonë sa i përket pandemisë nga koronavirusi.
Gjatë ditëve të fundit është shënuar një numër i lartë viktimash dhe të infektuarish nga Covid-19, kjo ka shkaktuar dhe mbingarkim në spitalet Covid.
Mëngjesi i kësaj të diele oborrin e spitalit “Shefqet Ndroqi” ose Covid2 e ka gjetur të mbushur me ambulanca. Pacientët e prekur nga koronavirusi presin në ambulanca që të shtrohen në spital.
Në vendin tonë janë në dispozicion të pacientëve të prekur nga koronavirusi katër spitali, më i fundit Covid4 u hap rreth një javë më parë.
Kujtojmë që ditën e djeshme u shënua rekord infektimesh që nga fillimi i pandemisë me 846 të infektuar.
Që nga fillimi i pandemisë deri më tani 889 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 42.148.
