Ushtria e Egjiptit thotë se mbetjet e aeroplanit të zhdukur në fluturimin prej Parisit për në Kajro, janë gjetur në Detin Mesdhe.
Një zëdhënës ushtarak tha se aeroplanët egjiptianë dhe anijet e marinës, kanë gjetur “gjëra personale” të udhëtarëve dhe pjesë të aeroplanit Airbus A320.
Këto gjëra janë gjetur afro 290 kilometra në veri të Aleksandrisë.
Kërkimi masiv për aeroplanin e zhdukur ka vazhduar gjatë gjithë natës.
Aeroplani i kompanisë EgyptAir është zhdukur dje nga radari mbi Detin Mesdhe me 66 njerëz në të, ndërsa autoritetet e Egjiptit thonë se mund të jetë sulm terrorist.
