Kandidatja demokrate për presidente në Shtetet e Bashkuara, Hillary Clinton, thotë se rivali i saj republikan, Donald Trump, është kërcënim për demokracinë.
Më tej, sipas saj, Trump është i pakualifikuar për të udhëhequr Amerikën.
Në kritikën e saj më të ashpër deri tani, ish-sekretarja amerikane e shtetit, Hillary Clinton, tha për CNN se Trump “nuk është i kualifikuar të jetë president i Shteteve të Bashkuara”.
Më tutje, ajo theksoi se “kërcënimi që paraqet Donald Trump është dramatik për vendin tonë, demokracinë tonë dhe për ekonominë tonë”.
Ajo tha se komentet e Trumpit për myslimanët e bëjnë më të vështirë për Uashingtonin të punojë me qeveritë në Lindjen e Mesme për të luftuar terrorizmin.
