Edhe ditën e sotme në vendin tonë u shënua një tjetër shifër e lartë viktimash nga koronavirusi. Në 24 orët e fundit sipas të dhënave nga Ministria e Shëndetësisë humbën jetën 16 pacientë, ndërsa janë konfirmuar 545 raste të reja.
Rritja e numrit të të prekurve po vë në vështirësi edhe spitalet. Kështu, në orët e fundit vihet re edhe një rritje e numrit të të shtruarve në spitalet Covid.
Sipas ministrisë, aktualisht në 3 spitalet, po trajtohen 471 pacientë, 27 në terapi intensive, 9 pacientë janë të intubuar. Ndërkohë një ditë më parë në spitale ishin të shtruar 463 pacientë.
