Poetja amerikane Louise Glück është bërë shkrimtarja e parë amerikane që fiton çmimin Nobel për letërsi në 27 vjet.
Gluck është gruaja e 16-të që fiton “Nobelin” dhe e para Amerikane që kur Toni Morrison mori çmimin në 1993. Çmimi Nobel vjen me një medalje të artë dhe një shpërblim prej 1,1 milion dollarësh.
Ajo është vlerësuar nga Akademia Suedeze për “Zërin e pagabueshëm poetik”. “Ajo u kurorëzua për zërin e saj karakteristik poetik, që me bukurinë e saj të rreptë e bën ekzistencën individuale universale”, njoftoi Akademia Suedeze gjatë dhënies së çmimit.
Fituese e çmimeve të mëdha letrare, përfshirë Pulitzer (në 1993), Glück lindi në New York City në një familje me origjinë hebre hungareze dhe u rrit në Long Island. Në prodhimin e saj poetik, autobiografia dhe miti klasik janë temat mbizotëruese. Për stilin e saj ajo shpesh është krahasuar me Silvia Plath dhe Anne Sexton.
