Në fshatin Vërdovë të Pogradecit janë shumë të tronditur nga abuzimi ndaj 13-vjeçares prej Blerim Bizgjonit. Banorët e zonës shprehen se prindërit nuk duhej ta kishin lënë vajzën e tyre të futej në shtëpinë e Blerim Bizgjonit.
Ndërkohë, gazetarja Ledjona Xheladinaj ka siguruar ekskluzivisht dëshminë e babait të vajzës së abuzuar, i cili shprehet për mikrofonin e Abc News se janë thirrur në polici pas denoncimit të vajzës.
Ai tregon se policët i kanë kërkuar që të mos kenë të bëjnë me familjen e Blerim Bizgjonit.
“Na thirrën në polici dhe na thanë që s’duhet të keni të bëni me atë familje. Mos bëni shumë dallavere dhe mbajeni derën mbyllur“, rrëfen babai i vajzës së abuzuar duke theksuar se Blerim Bizgjoni shkonte shpesh në shtëpinë e tyre.
Blerim Bizgjoni u arrestua nga policia me akuzën e abuzimit me të mitura për shkak të denoncimit nga një 13-vjeçare, e cila tregoi para efektivëve të policisë së Pogradecit se ishte përdhunuar prej tij.
/abcnews.al
