Nga Denisa Daka
Elona Dauti nuk ia doli…!
Dje humbëm serish nje tjeter grua!
E reja nga qyteti bregdetar vendosi te veteflijohet, per shkak te nje vendimi te padrejte lidhur me kujdestarine e vajzes, duke na treguar te gjitheve bashke pafuqine e qytetareve perballe nje sistemi qe lengon prej vitesh.
Beteja e prinderve pergjate divorcit, kthehet shpesh ne nje arene sulmi ne dyert e gjygjesorit, ndersa gjinden nje duzine rastesh kur bashkeshorte te frustruar, te dhunshem e problematike, zgjedhin te hakmerren kundra ish bashkeshorteve te tyre.
“Interesi me i larte i femijes”, apo principi baze ne proçese te tilla, rezulton te jete shkelur jo ne pak raste, duke penalizuar kesisoj ne shume plane, nenat e femijet e tyre posaçerisht.
“Baballaret insitucionale” a biznesmene te fuqishem ketu, zgjedhin t’u japin nje mesim rast pas rasti ish bashkeshorteve te tyre, sa here ndonjera “rebelohet” padrejtesisht.
Togfjaleshi …”do te te marr femijet”…, degjohet shpesh ne korridoret e zymta te gjykatave.
Pakkush mund te perceptoje siç duhet, kalvarin e proceseve e vuajtjeve pafund te nje gruaje a vajze ndodhur ne keto kushte, pertej imagjinates ne shume raste.
Asnje gjygjtar, i cili guxoi te shkele ligjin, jashte çdo kriteri te arsyeshem a te pranueshem, nuk u penalizua kurre a ne asnje rast, duke çertifikuar kesisoj abuzimet ne kete sistem.
Elona Dauti, nuk ia doli te mbijetoje pas ndodhise se trishte e cila i hoqi perdhunshem mundesine e te drejten unike te shihte te bijen t’i rritej para syve.
Shume te tjera ndodhur ne keto kushte tentojne vetvrasjen dite pas dite, ne pritje per te takuar e perqafuar sa me pare femijet e tyre.
Elona Dauti nuk ia doli…!
Dhjetra insitucione pergjegjese te cilat duhet te mbikqyrin e monitorojne garantimin e te drejtave te çdo qytetari ketu, vegjetojne qe prej krijimit te tyre, duke na treguar te gjitheve bashke se i dobeti, i vobekti apo te gjithe ata qe rreken te jetojne me dinjitet e ndershmeri ne kete vend, konsiderohen si jashte orbite!
