Gjykata e Posaçme ka lënë në burg Klevis Allën dhe Altin Ndocin të dyshuar si të përfshirë në ekzekutimin e vëllezërve Besmir dhe Viktor Haxhia në Durrës.
Gjithashtu Gjykata vendosi “arrest me burg” në mungesë për Talo Çelën të shpallur tashmë në kërkim.
Këta tre persona dyshohet se në bashkëpunim me njëri-tjetrin kanë kryer ekzekutimin e vëllezërve Haxhia në Durrës.
Talo Çela është marrë i pandehur edhe për grabitjen e në aeroportin e Rinasit më 9 prillit 2019.
Ndoci dhe Alla janë të dyshuar edhe për vrasjen e dyfishtë të Dorjan Shkozës dhe Anxhelo Avdylit në qytetin e Durrësit në Mars.
Klevis Alla ka pranuar të bashkëpunojë me policinë e Durrësit, duke treguar mënyrën se si kanë kryer vrasjet dhe emrat e personave që kanë marrë pjesë në vrasje.
