Shkalla e Parë e Gjyqësorit në Gjirokastër ka lënë në burg të akuzuarin për vrasje Paris Xhihanin, pasi nga provat materiale të grumbulluara në vendngjarje si dhe nga videot e siguruara nga grupi hetimor, konfirmohet se Xhihani ka qenë shkaktar i vdekjes se Gjergj Ajmasit dy ditë më parë ne lagjen Zinxhira të Gjirokastrës.
Prokurori i çështjes Julijan Çafka ka paraqitur prova të pakundershtueshme të momentit të vrasjes në rrethana aksidentale të 35 vjeçarit Almasi nga ana e Xhihanit.
Megjithëse avokati i të pandehurve Shpëtim Meçi ka kërkuar një vendim më të lehtësuar, gjyqtarja e çështjes Blerta Çibuku ka dhënë masën Burg pa Afat për Xhihanin dhe per bashkëpunetorin e tij në këtë ngjarje Andon Ahmeti, ndërkohë që janë lënë me detyrim paraqitjeje dy adoleshentet Niko Xhihani dhe Vasil Mehmeti për shkak të moshës minorene.
