Komisioni i Pavarur i Kualifikimit ka dhënë sot vendimin për ish-kryetaren e Gjykatës së Lartë Shpresa Becaj duke e shkarkuar nga detyra.
Shpresa Becaj nuk kishte bërë deklarim të pasurisë dhe nuk kishte dorëzuar deklaratat për figurën.
Becaj pretendoi se institucionet nuk i pranuan dokumentet pasi ishte jashte sistemi, kur KLD refuzonte ta emëronte në Apel sipas ligjit.
Sipas KPK, gjyqtarja e Apelit Shpresa Beçaj nuk ka përmbushur detyrimin ligjor dhe as të drejtën për dorëzimin e formularëve të deklarimit në kuadër të procesit të rivlerësimit. Beçaj u mbrojt duke e cilësuar rastin e saj “unik” dhe fajësoi Këshillin e Lartë të Drejtësisë për situatën e krijuar.
