Shifrat e larta të rasteve të reja me koronavirus në vendin tonë, vijon që të sjellë një numër të lartë dhe të pacientëve të shtruar tek Infektivi.
ISHP njofton se aktualisht po marrin trajtim mjekësor në spital 82 pacientë, mes të cilëve 14 janë në terapi intensive.
Ndërkaq në vendin tonë deri më tani janë 850 të sëmurë aktivë. Ndërkohë këtë të mërkurë janë konfirmuar pozitiv me koronavirus 67 raste të reja duke e çuar në 2114 numrin e të infektuarve.
Fatkeqësisht sot është shënuar dhe viktima me moshën më të re nga Covid 19 në vendin, 34 vjeçarja nuk ja ka dalë në betejën me koronavirusin.
Gjatë 24 orëve të fundit janë shëruar 22 qytetarë, mes tyre 7 mjekë dhe infermierë, duke e çuar në 1217 numrin e të shëruarve që nga fillimi i epidemisë.
