Historiani Arben Llalla ka komentuar zhvillimet e fundit politike në Maqedoninë e Veriut, ku është ndalur tek ideja e kryeministrit shqiptarë e trasuar si ide nga lideri i BDI-së Ali Ahmeti që trazoi skenën politike në Maqedoninë e Veriut.
Në emisionin debatues Click Plus, Llalla tha se është mëse normale të kenë shqiptarët të kenë një kërkesë të tillë sepse ne pretendojmë të kemi ministra, kemi kryetar Parlamenti , kemi patur Ministrin e Mbrojtjes, atë të Brendshëm shqiptar dhe tani përse jo edhe kryeministër.
“Shqiptarët bëjnë fushatë Presidentin ta kemi shqiptar, atëherë përse mos e kemi edhe kryeministrin.Si ide shqiptarët duhet ta kishin përkrahur ” u shpreh Llalla.
Llalla mendon që ka ardhë koha që shqiptarët të kërkojnë.
“Derisa ne kemi shqiptarë drejtues të LSDM-së, domethënë kemi nënkryetar. Derisa kemi ministra shqiptar të LSDM-së, atëherë përse jo edhe shqiptar kryeministër” u shpreh Llalla.
