Pas rihapjes së dyqaneve, qeveria ka bërë publike edhe një protokoll sigurie të detyrueshëm për çdo subjekt tregtie që merret me shitjen e veshjeve.
Sipas protokollit shitësi duhet të jetë i pajisur me maskë dhe doreza dhe të qëndrojë në 2 metra dsitancë nga klienti, ndërkohë duhet të dezinfektojë duart me alkool pas çdo transaksioni që kryen qoftë në para në dorë, apo edhe me kartë krediti.
Në një dyqan më pak se tre metra katrorë nuk lejohet më shumë se një klient në ambientet e brendshme të tij, ndërkohë që të tjerët duhet të presin në radhë jashtë.
Ndërkohë klienti nuk duhet të provojë rrobat në trup, por duke pasur veshjen e tij poshtë produktit të dyqanit, ndërsa duhet menjëherë t’i lajë pas blerjes.
Gjithashtu rekomandohet që dyqanet të reklamojnë sa më shumë shërbimin në banesë dhe porositë përmes telefonit për të shmangur kontaktin fizik me klientët, ndërsa duhet të sigurojë ajrimin e ambienteve minimalisht tre herë në ditë. 
