Pamjet e shkatërrimit nga ushtria e ISIS të një prej vendeve historike të mbrojtur nga UNESCO, Palmira, kanë prekur zemrat e miliona njerëzve që e duan kulturën dhe trashëgiminë. Për të treguar se Palmira nuk ka vdekur, Orkestra Simfonike e teatrit Mariinsky nga Shën Petersburgu i Rusisë do të japë sot një koncert në amfiteatrin historik.
Koncerti do të transmetohet drejtpërdrejtë. “Një lutje për Palmirën – Muzika i ringjallë muret antike” titullohet koncerti që vjen sot në Palmira, një prej vendeve më të shkatërruara nga Shteti Islamik dhe deri në vitin 2014-të një prej destinacioneve kulturore më atraktive për turistët.
Palmira gjendet në verilindje të Damaskut dhe UNESCO beri te ditur se ajo me gjithë shkatërrimet ende nuk e ka humbur integritetin e saj kulturor.
Zëdhënësi i Kremlinit, Dmitri Peskov, tha se çdo iniciativë kulturore e tillë i ndihmon ruajtjes së trashëgimisë kulturore dhe tregon se nuk i frikohemi terrorizmit dhe as atyre që tentojnë të shkatërrojnë këtë trashëgimi.
