Në Greqi i dënuar me burgim të përjetshëm, në Shqipëri punonte si polic

Ditën e sotme është zhvilluar seanca gjyqësore në Gjykatën e Vlorës për të shumëkërkuarin Bardhosh Lytaj, i dënuar nga shteti grek me burgim të përjetëshëm për vrasjen e dy anglezëve në Patra.
Gjykata e Vlorës nga burgim i përjetshëm të dhënë nga drejtësia greke e rivlerësoi me masën “arrest me burg”.
Lytaj ishte shpallur në kërkim në vendin tonë që në shtator të vitit 2019, pas të dhënave që dërgoi shteti grek.
Ai është dënuar dhe për vepra të tjera në Greqi si trafikimi i lëndëve narkotike apo dhe për disa vjedhje, madje ai është arratisur dhe nga burgu.
Teksa Greqia e kishte shpallur në kërkim është paradoksale që 47 vjeçari në Shqipëri prej rreth tre vjetësh punonte si polic privat.
Burime nga Gjykata e Vlorës thonë, Bardhosh Lytaj ka deklaruar se nuk e dintë që ishte në kërkim dhe burgun e kishte përfunduar.