Një sasi lënde eksplozive i është hedhur makinës së një punonjëseje policie në Durrës rreth mesnatës të së shtunës.
Mësohet se shpërthimi ka ndodhur në lagjen 17/1 dhe fatmirësisht ka pasur vetëm dëme materiale dhe jo viktima.
Sipas njoftimi, nga muri i jashtëm rrethues i oborrit dyshohet se është hedhur nje sasi e dyshuar lënde plasëse ne afërsi të makinës tip “Audi”, e parkuar në oborr dhe në pronësi të shtetases O.B., punonjëse policie.
“DurrësLajm” mëson se efektivja e policisë është Ornela Buraku, e cila sipas deklaratave është shprehur se ajo nuk ka konflikte familjare apo me ndonjë person tjetër. Pista e parë, ku po heton policia është ajo për shkak të detyrës.
