Një 42-vjeçar ka ndërruar jetë mesditën e kësaj të enjteje pasi është përfshirë në një aksident rrugor.
Ai ka humbur kontrollin e motoçikletës me të cilën po udhëtonte dhe ka rënë në kanal, duke gjetur kështu vdekjen.
“Sot rreth orës 13:30, në fshatin Kolonjë, Lushnje, shtetasi Sh.B, 42 vjeç, banues në Ardenicë, Lushnje, duke drejtuar një motorçikletë, ka humbur kontrollin dhe ka rënë në kanal e për pasojë ka ndërruar jetë rrugës për në Spitalin e Lushnjes. Grupi hetimor po punon për zbardhjen e plotë të ngjarjes”, njoftoi policia.
