Një makinë e djegur është gjetur në fshatin Golaj të Hasit gjatë paradites së sotme. Policia dyshon se makina është e autorëve që ekzekutuan biznesmenin Guxim Gjyriqi në Bajram Curri.
Ky i fundit u ekzekutua në orën 23:00 të mbrëmjes së djeshme në biznesin e tij.
Policia nuk ka ende një pistë për shkakun e vrasjes së Gjyriqit, i cili kishte lidhje familjare edhe me Haklajt e Tropojës. Mësohet se Gjyriqi ishte djal teze me Fatmir, Halil, Shkëlqim dhe Ylli Haklaj, të gjithë të vrarë gjatë viteve 1988-2001 në Bajram Curri.
Nuk dihet ende nëse vrasja e Gjyriqit ka të bëjë me ngjarjet e 20 viteve më parë apo lidhet me ndonjë konflikt tjetër.
