Agim Seranaj, Profesori i Ixhinierisë së Ndërtimit, ka reaguar për herë të parë pas shkarkimit nga detyra me firmën e dekanit të fakultetit, Neritan Shkodrani. Ai ka treguar momentin kur ky i fundit e njoftoi për vendimin e marrë.
“Më ktheu nga rruga, mbërrita në zyrën e tij dhe më komunikoi shqetësimin e tij për të mos bashkëpunuar dot me zëvendës dekanin”, ka rrëfyer Seranaj
Ai gjithashtu ka komentuar dhe arsyet se pse e kanë çuar dekanin të marrë këtë vendim, dhe sipas Seranaj mendohet se puna e tij ka “bezdisur” dikë.
“Ka mënyrë të punuari pasiv dhe aktiv. Ka nga ata që mirëpresin t’i përfshish, por ka nga ata si unë që nuk durojnë të presin, jam aktiv, dhe këtu ndoshta ka ndonjë element që të jetë trubulluar ndonjëri”, u shpreh ai.
Ai shtoi se procesi i shkarkimit të tij nga detyra e zv/dekanit nuk është ligjor. “Shpresoj ta anulojë dhe të bindet që është një gabim”, ka deklaruar Agim Seranaj.
Ai u bë i njohur duke folur në media për godinat e dëmtuara nga tërmeti, ku deklaroi se në Spitallë të Durrësit fatkeqësisht ka patur dëmtime edhe në pallatet me shumë kate.
