Raporteri i Parlamentit Europian për Shqipërinë nga grupi parlamentar PPE, David Lega ka reaguar lidhur me projektiligjin kundër shpifjes, të cilat do kufizojnë ndjeshëm lirinë e medias në vend.
Përmes një postimi në twitter, Lega shkruan se nëse Parlamenti miraton këtë paktë, atëherë Shqipëria rrezikon seriozisht të komprometojë kryesimin e OSBE-së, por edhe negociatat e anëtarësimit me Bashkimin Europian.
“Nëse Parlamenti shqiptar miraton ligjet e reja për median, ai vë në rrezik kryesimin nga Shqipëria të OSBE-së. Gjithashtu, ky vendim do të komplikojë negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur”,”-shkruan ai.
