Mbrëmjen e djeshme, në Spitalin e Elbasanit, kanë shkuar për ndihmë mjekësore, dy të mitur të moshës 15 vjeç , banues në Elbasan.
Dy 15 vjeçarët ishin në gjendje të dehur pasi në ambientet e një lokali në Qytetin e Elbasanit, gjatë një feste ditëlindjeje kishin konsumuar pije alkoolike.
Pas festët, të rinjtë kur ishin kthyer për në shtëpi nuk ishin ndjerë mirë dhe ishin rrëzuar në rrugë. Qytetarët njoftuan ambulancën dhe policinë dhe të miturit u dërguan në spitalin e Elbasanit.
Mësohet se Inspektorati i Shtetëror Shëndetësor ka gjobitur lokalin ku u dehën dy fëmijët, identitetet e të cilëve ende nuk bëhen me dije.
