Ka nisur me tensione mëngjesin e sotëm Komisioni i Medias.
Drejtuesja e komisionit Fatjona Dhimitri nuk ka pranuar të njohë Skënder Gjinushin si kryetar të Akademisë së Shkencave dhe është larguar nga mbledhja.
“Unë refuzoj që të ulem në një tavolinë me ju, ju nuk jeni i dekretuar”, tha Dhimitri para se të largohej.
Ndërkohë largimi i Dhimitrit nuk u prit mirë nga anëtarët e tjerë të cilët e krahasuan sjelljen e saj me të ish deputetes demokrate Albana Vokshi.
“Është për të ardhur keq, dikush i ka thënë kësaj vajze që të jetë njësoj si Albana Vokshi, unë e quaj nder që zoti Gjinushi të jetë në krye të këtij institucioni. Unë jam i bindur që profesor Gjinushi do e ngrejë akademinë në nivele të njëjta me akademitë në vendet e zhvilluara”, deklaroi Bare.
Më pas mbledhja u shty dhe anëtarët e komisionit u larguan.
