Tre shtetas shqiptarë dhe një italian janë arrestuar ditën e sotme pasi shpërndanin kokainë çdo muaj në zonën e Valdichiana Senese dhe Aretina.
Për të fshehur lëndën narkotike, grupi përdorte mënyra të ndryshme që të evitonte vëmendjen e karabinierëve.
Së fundmi, ata e kishin futur drogën, me vlerë 20 mijë euro, nëpër kavanoza dhe i kishin groposur, por u zbulua nga derrat e egër. Duke gërrmuar në dhe, derri theu njërin prej qypave, i cili ishte mbushur me kokainë.
Shqiptarët dhe italiani u arrestuan, pasi policia i zbuloi ata gjatë përgjimit të telefonave, ku u ankuan për prishjen e pazareve të drogës.
