Policia e Tiranës ka arrestuar drejtuesin e mjetit pak orë pas aksidentit të rëndë që i mori jetën një 17-vjeçari në Sauk.
Bëhet fjalë për shtetasin me inicialet F.F., i cili drejtonte mjetin tip “Benz” teksa ka humbur kontrollin duke u përplasur me automjetin tip “Porsche”, i cili ishte ndaluar në sensin e djathtë të rrugës. Si pasojë e përplasjes së fortë ka ndërruar jetë në spital shtetasi me inicialet K. V., si dhe janë dëmtuar dhe ndodhen jashtë rrezikut për jetën dhe disa shtetas të tjerë.
Materialet hetimore i kaluan Prokurorisë pranë Gjykatës së Shkallës Parë Tiranë, për veprime të mëtejshme.
