Policia britanike ka arrestuar dy shqiptarë duke drejtuar një fermë të sofistikuar kanabisi, në një banesë të marrë me qira nga dy shtetas italianë, në Swansea Valley.
Policia ka bastisur banesën e shqiptarëve, ku ka gjetur më shumë se 300 bimë kanabisi, që kultivoheshin në dhoma të ndryshme. Kjo ka habitur policët anglezë, teksa kamerat që ata kanë në trup, kanë regjistruar momentin që zbulojnë fabrikën plot bimë kanabisi.
Policia ka arrestuar 27-vjeçarin shqiptar, Bekim Selmani, në momentin kur po kujdesej për bimët e kanabisit që kishte kultivuar në dhomën e gjumit, ndërsa në xhep i janë gjetur 250 euro para cash. Në një tjetër dhomë është arrestuar edhe 26-vjeçari shqiptar, Pashko Paluca. Në total, policia sekuestroi 321 bimë narkotike.
