Dy republikanët që po kërkojnë nominimin e partisë së tyre në zgjedhjet presidenciale në SHBA, senatori Ted Cruz nga Teksasi dhe guvernatori nga Ohajo, John Kasich, janë pajtuar që të bashkojnë forcat në përpjekjet e tyre për ta ndalur Donald Trumpin nga marrja e këtij nominimi.
Aleanca e befasishme, e publikuar përmes deklarimeve të shkurta nga ekipet e tyre, vjen në kohën kur Trumpi pothuajse e ka arritur numrin e delegatëve që nevojiten në konventën e Partisë Republikane në korrik, për t’u siguruar se ai do të jetë kandidati i kësaj partie në garën për president të SHBA-ve.
Disa republikanë që e kundërshtojnë Trumpin kanë bërë thirrje për një marrëveshje të tillë për javë të tëra.
