“Shtatzënia dhe laktacioni janë faktor mbrojtës, por kemi vënë re një shtim të rasteve të kancerit të gjirit, pas lindjes”, – kështu u shpreh mjekja imazheriste Albana Shahini.
Në një intervistë për RTV Ora, Shahini tha se shtimi i rasteve të kancerit pas lindjes, vjen sepse këto janë kancera me receptorë hormonalë dhe shfaqen më pas në fund ose pas shtatzënisë.
“Këto janë kancera që me receptorë hormonalë dhe marrin një boom kur vajza apo gruaja është shtatzënë dhe shfaqen menjëherë në fund të shtatzënisë, ose pas saj. Nuk është se ekziston një rregull i caktuar që gjatë shtatzënisë dhe laktacionit nuk duhet të kryhen ekografi. Përkundrazi mund të kryhen në mënyrë periodike sikurse janë kryer edhe para se të mbetej shtatzënë”, tha Shahini.
