Kryeministri i Greqisë Kyriakos Mitsotakis thotë se mos-hapja e negociatave për Shqipërinë dhe Maqedoninë e Veriut me BE-në, ndikon në stabilitetin e rajonit dhe të vetë shtetit që ai drejton.
Mitsotakis shprehet se sa më të afërta të jenë këto vende me kursin evropian, aq më shumë do t’u jepet mundësia të bëjnë ndryshime, të merren me çështje në një nivel dypalësh.
“Unë mendoj se kjo nuk është e mirë për stabilitetin e përgjithshëm të Ballkanit por nuk është mirë as për Greqinë. Arma kryesore në duart e Greqisë ka të bëjë me perspektivën evropiane të këtyre vendeve. Sa më të afërta të jenë këto vende me kursin evropian, aq më shumë do t’u jepet mundësia të bëjnë ndryshime, të merren me çështje në një nivel dypalësh”, tha kryeministri grek.
