Kreu i Komisionit Europian, Jean Claude Juncker e cilëson gabim historik vendimin e vendeve anëtare të BE-së për të miraturar njëzëri hapjen e negociatave për integrimin e Shqipërisë dhe Maqedonisë së Veriut.
Në një konferencë të përbashkët me presidentin e KE-së Donald Tusk, Juncker u shpreh se që në fillim të mandatit ishte shprehur se nuk do të kishte zgjerim gjatë këtyre 4 viteve.
Sipas Juncker çështja ishte nëse Shqipëria dhe Maqedonia e Veriut ishin apo jo kandidate në nivelin e duhur, ndaj dhe BE duhet të respektonte angazhimet e saj.
“Pata thënë në fillim të mandatit tim se nuk do të kishte zgjerim gjatë këtyre 4 viteve. Por çështja këtë herë nuk ishte kjo, çështja ishte nëse ato (Shqipëria dhe Maqedonia e Veriut) ishin apo jo kandidatë në nivelin e duhur për të na lejuar që nisnin bisedimet. Unë mendoj që ishte një gabim historik. Nëse BE dëshiron të respektohet, ajo duhet të respektojë angazhimet e saj”, tha Juncker, përpara se t’i dorëzojë detyrën Ursula von der Leyenit.
