Ditën e sotme kanë mbërritur në Gjykatën e Faktit në Vlorë tre personat e arrestuar për konfliktin në “Plazhin e vjetër” të akuzuar për vrasjen e 56-vjeçari Stavri Mino.
Mësohet se ndaj shtetasve Astrit dhe Agron Hamitaj si dhe Nusret Hodaj është marrë masa arrest me burg deri në mbledhjen e provave nga organi i akuzës që të provojnë nëse janë ose të jo të përfshirë në ngjarje.
Burime bëjnë me dije se autori kryesor i dyshuar për ngjrjan e rëndë është Agron Hamitaj ndaj të cilit është dhënë masa “burg pa afat”, ndërkohë pritet një seancë e dytë që të vendoset nëse dy personat Astrit Hamitaj dhe Nustret Hodaj janë të implikuar në këtë vepër penale.
Të arrestuarit e dyshuar si autorë dhe bashkëpunëtorë në ngjarje, kan mbërritur nën masa të rrepta sigurie teksa janë futur në Gjykatën e Vlorës ku i kanë pritur edhe familjarët.
Astrit Hameti ka shfaqur në sallën e gjyqit një gjendje të rënduar shëndetësore. Për këtë arsye ai ka kërkuar që të bëjë komunikimin i ulur pasi nuk ngrihej dot në këmbë.
