Detaje tronditëse janë zbuluar për vajzën 13-vjeçare të rrëmbyer pasditen e sotme në kryeqytet, për të cilën mësohet se ka inicialet T.B dhe është rrëmbyer nga dy persona të maskuar.
Detaje tronditëse zbulohen për vajzën 13 vjeçare e cila u rrëmbye pasditen e sotme në rrugën “Ndre Mjeda” në Tiranë.
Mësohet se e mitura me inicialet T.B dhe është rrëmbyer nga dy persona të maskuar. 13 vjeçarja vuan nga diabeti dhe merr insulinë 4 herë në ditë në mënyrë të vazhdueshme dhe të pandërprerë.
Policia ka thirrur prindërit e të miturës për hedhur dritë mbi shkaqet e rrëmbimit ndërsa postoblloqe të shumta janë ngritur në gjithë kryeqytetin për të bërë të mundur identifikimin dhe kapjen e autorëve.
Dëshmitarët kanë treguar se vajza ka qenë bashkë me motrën e saj të cilat sapo kishin zbritur nga furgoni që i transporton nga shkolla, dy persona me maska kanë zbritur nga një makinë tip “Fiat punto” ngjyrë e kuqe, duke e futur me forcë brenda saj dhe janë larguar me shpejtësi.
