Pak minuta më parë punonjësit e Policisë Bashkiake kanë mundur të parandalojnë një tragjedi pranë Liqenit Artificial.
Mësohet se një grua rreth të 60-ave, ka tentuar të varë veten por është pikasur në kohë.
Punonjësit e policisë Bashkiake në patrullimin e tyre të zakonshëm kanë shquar veprimin e gruas dhe menjëherë i kanë dhënë asaj ndihmën e shpejtë.
Më pas është lajmëruar policia e Shtetit dhe ambulanca e cila e ka transportuar gruan për një ndihmë më të specializuar në spital.
Nuk dihen arsyet që e shtynë gruan drejt aktit ekstrem dhe as gjendja e saj aktuale shëndetësore.
