Vesa dhe Big Basta kanë qenë shumë të rezervuar përsa i përket jetës së tyre personale, por që në momentin që u mësua se do të bëheshin prindër, kureshtja e njerëzve për të ditur më shumë ka qenë shumë e madhe.
Këngëtarja e njohur Vesa Luma ka dhënë një intervistë gjatë së cilës ka treguar më shumë përsa i përket fëmijës që do të lindë shumë shpejt dhe se si po pret së bashku me partnerin e saj, këngëtarin Big Basta.
Gjatë intervistës në Blitz.al ajo është shprehur se emri i djalit do të jetë Lian dhe është një emër që për të ka shumë kuptim. “Ne gjithmonë kemi dashur që emri të ketë kuptim të veçantë dhe Lian ka një kuptim tepër të rëndësishëm, sidomos për mua. Është emri i babait tim mbrapsht. Babai im i ndjerë quhej Nail. Do të doja shumë të ishte gjallë e të përjetonte këtë lumturi timen, por e di që edhe ai do të jetë tepër i lumtur, kudo të jetë…Ideja për këtë emër ishte e Bigut, tek i cili kam parë shumë veçori të ngjashme me babin tim, gjë që më ka bërë ta dua më shumë. Edhe përzgjedhja e emrit ishte moment emocionues, sidomos për familjen time,” tregon Vesa për Blitz.al.
