Gruaja e parë e Prince, i cili u gjet pa jetë mbrëmë në shtëpinë e tij, Mayte Garcia ka ndarë një rrëfim të ndjeshëm për humbjen e njeriut të saj. “Ai është me djalin tonë në qiell tani” ka thënë ajo pasi çifti përjetuan pak kohë pas martesës humbjen e fëmijës së tyre të vetëm.
Djali i tyre lindi me sindromën Pfeiffer, një çrregullim i rrallë që nuk lejon kokën të rritet siç duhet për shkak të shkrirjes së parakohshme të eshtrave të caktuara të kafkës, dhe vdiq vetëm një javë pas lindjes së tij.
Mayte Garcia u fotografua në Los Angeles të enjten gjatë një bisedë telefonike e mbytur në lot menjëherë pas mësimit të lajmit se këngëtari kishte vdekur.
Garcia ishte vetëm 22 vjeç dhe punonte si një balerinë për këngëtarin, i cili ishte 37 në kohën kur të dy u martuan në vitin 1996, pikërisht në ditën e Shën Valentinit.
Në tetor të po atij viti Garcia lindi një djalë, bir të vetëm i Princë, Boy Gregory.
Foshnja tragjikisht humbi jetën dhe ata u ndanë disa vite më vonë dhe në 1999 në përvjetorin e tyre të tretë të martesës.
Garcia foli rreth vdekjes tragjike të ish-burrit të saj, duke thënë; “Unë nuk mund të shpreh me fjalë atë që ndjej. Ky njeri ishte gjithçka për mua, kemi pasur një familje. Unë jam përtej pikëllimit të thellë dhe ndihem e shkatërruar. E kam dashur atë, atëherë, e dua atë tani dhe do ta dua përjetësisht. Ai është me djalin tonë tani.”, tha ajo. /27.al
