Siç kishte premtuar Nikolla Gruevski ka dhënë dorëheqjen nga posti i kreut të qeverisë
Emil Dimitriev është 36 vjeçari që do të drejtojë qeverinë kujdestare të Maqedonisë, e cila do të çojë vendin në zgjedhje të parakohëshme. Pas dorëheqjes së kushtëzuar të Nikolla Gruevskit (dorëheqja e tij do të vlejë 100 ditë para mbajtjes së zgjedhjeve, kurdo që të mbahen ato) nga pozita e kryeministrit, vendin e tij do ta zërë sekretari i përgjithshëm i VMRO-DPMNE-së, Emil Dimitriev. Vendimi që Dimitriev të emërohet në krye të Qeverisë Kalimtare, është sjellë në seancën e Komitetit Ekzekutiv të VMRO-DPMNE-së, e cila është mbajtur dje.
Dimitriev është 36 vjeç dhe vjen nga province, përkatësisht nga qyteti Protoshtip, një vendbanim kryesisht vetëm me Maqedonas. Ka studiuar për sociologji dhe është deputet që nga viti 2011-a, e më pas u emërua zv.ministër i mbrojtjes. Në CV-në e tij shkruhet se se posedon shkathtësi kompjuterike dhe se flet mirë gjuhën angleze, ndërsa hobi i tij është gjuetia.
Gruevski u rrëzua pas një vale protestash në vend që shpërthyen pas skandalit të përgjimeve ku zyrtarë të lartë flisnin për abuzime me paratë publike, manipulimin e zgjedhjeve dhe fshehjen e krimeve.
