Këngëtarja Zaimina Vasjari është duke u hetuar në gjendje të lirë nga policia pas një akuze që i është bërë nga një notere së cilës i ka dëmtuar studion ligjore.
Balkanweb.com shkruan sot se burimet nga policia bëjnë me dije se noterja ka bërë denoncimin në komisariatin nr 2, sipas së cilës dëmtimi është bërë me dashje nga këngëtarja.
“Më datë 19.04.2016 filloi procedimi penal në ngarkim të shtetases Z.V., 28 vjeç banuese në Tiranë. Procedimi ka filluar pasi më datë 19.04.2016, rreth orës 08:00 është konstatuar se në ambientin e marrë me qera nga shtetesja S.P që shërben si studio ligjore, në adresën Bulevardi Gjergj Fishta, nga apartamenti i shtetases Z.V ka shpërthyer uji duke dëmtuar studion ligjore që ndodhet në katin e poshtëm. U kryen të gjitha veprimet e para hetimore dhe materialet iu referuan Prokurorisë pranë Gjykatës së Shkallës së parë Tiranë për verpën penale “Shkatërrim i Pronës” e parashikuar nga neni 150 i Kodit Penal në ngarkim të dyshuarës Z.V” citohet në njoftimin e policisë, shkruan Balkanweb.com.
Ndërkohë, prokuroria është duke bërë hetimet e mëtejshme.
