I zhdukur prej 15 vitesh, gjendet trupi i një shtetasi italian i dekompozuar brenda një makine Ford Fiesta 80 metra në liqenin e Tavernola Bergamasca në afërsi të Bergamos. Viktima ishte i martuar me një grua shqiptare, e cila është në kërkim nga policia.
Siç shkruajnë mediat italiane, çifti ishte martuar pak kohë para se italiani të zhdukej. Sipas policisë, viktima dhe gruaja e tij shqiptare nuk kanë asnjë precedent penal.
Për momentin të gjitha hipotezat mbeten të hapura për vrasjen e italianit dhe prokurori Giancarlo Mancusi nuk ka hapur ende një dosje penale me një akuzë.
Viktima mund të ketë humbur kontrollin e makinës dhe të ketë rënë në liqen, për shkak të ndonjë sëmundjeje ose një aksidenti, ndërsa vëllai përjashton mundësinë që ai të ketë kryer vetëvrasje. Ose, në rastin më të keq, ai mund të jetë hedhur në liqen me makinë, pasi mund të jetë droguar ose lidhur.
Autopsia do të duhet të zbulojë, nëse ka patur shenja dhune në trup dhe nëse me të vërtetë kishte mbetur për 15 vjet, në errësirën e liqenit.
