Më datë 4 shtator Vatikani do të kanonizojë Nënë Terezën si Shenjtore. Atë ditë në Vatikan do të mbahet edhe një koncert në nder të saj.m
Muzikanti Genc Tukiçi ka bërë të ditur që në koncert do të luhet edhe himni “Vals Hyjnor” kushtuar Nënë Terezës, i kompozuar nga ai, i cili do të interpretohet nga sopranoja shqiptare Inva Mula.
“Kam kenaqesine t’ju njoftoj se himni kushtuar Nene Terezes qe une kam kompozuar, titulluar “Vals Hyjnor” , do te interpretohet ne Vatikan me daten 3 shtator 2016, ne koncertin kushtuar kanonizimit te Nene Terezes ne 4 shtator 2016. Himni do te interpretohet nga diva Inva Mula se bashku me orkestren dhe korin e filarmonise se Kosoves, drejtuar nga mjeshtri Bujar Llapaj. Eshte kurorezim i idese dhe punes se palodhur te gazetares Dijana Toska qe mundesoi qe Valsi Hyjnor te interpretohet ne Vatikan”, shkruan Tukiçi.
Himni do të vijë në atë formë dhe nëpërmjet atyre interpretuesëve që e sollën për herë të parë duke iu dhënë mundësinë shqiptarëve t’i blatojnë në shqip nderimin Nënë Terezës, duke kthyer në himn fjalët e zemrës së saj të mirë.
Gjashtë vjet pas ndarjes nga jeta (19 Tetor 2003), ajo u shpall “E Lumturuar” nga Papa Gjon Pali i II-të, si simbol i ndihmës për “më të varfërit e të varfërve”, të cilëve ajo iu kushtoi jetën, një moment që i ka hapur rrugë shenjtërimit të saj.
