Një zjarr i rrezikshëm në afërsi të puseve të naftës vijon të përhapet që prej ditës së djeshme në Delvinë.
Mësohet se tashmë po digjen edhe pyjet të cilat ata i quajnë “mushkëria e Delvinës”, pjesa e Llakopinës edhe e Sirakatit.
Katër zjarrëfikëse po punojnë për shuarjen e flakëve nga ajri, ndërkohë zjarri favorizohet edhe nga era dhe temperaturat e larta.
Ndërkohë qytetarët ankohen se pavarësisht pamjeve të tmerrshme të zjarrit masiv që po shkrumbon një pjesë mjaft të konsiderueshme të një sipërfaqeje pyjore, Bashkia e Delvinës “po fle gjumë”.
Ata vijojnë më tej se asnjë punonjës nuk ka qenë në gadishmëri ndërsa shprehen se ndjehen në panik.
Pamje nga Faxweb:
