Sot, më 26 gusht festohet Dita Ndërkombëtare e Qenve për të gjitha racat.
Siç të gjithë e dimë, edhe nëse nuk e kemi një të tillë në shtëpinë dhe jetën tonë, qeni konsiderohet shoqëruesi dhe miku më mirë i njeriut.
Qofshin ata të përzier apo racë e pastër, qentë dinë më së miri të na falin shumë dashuri pa kushte, shoqëri dhe mbrojtje.
Sot në ditën ndërkombëtare të qenve po ndajmë me ju një histori shumë, po shumë të bukur dashurie.
Këta dy qenushë janë Watson and Kiko. Ata janë adaptuar nga një familje që u kushton pafund dashuri, vëmendje dhe përkujdesje dhe padyshim janë bekuar me të njëjtën gje në këmbim.
Ndryshe nga qenushët e tjerë, Watson dhe Kiko janë mjaft të famshëm në Intstagram. Që të vegjël ata fituan zemrat e njerëzve me dashurinë që kishin për njëri tjetrin.
Ditët e fundit Kiko nuk është në gjendjen e tij më të mirë shëndetësore pasi kaloi një sëmundje, për të cilën u detyrua të hiqte njërën nga këmbët e para.
Por Watson është gjithmonë atje. Ndonjëherë ajo nuk e kupton dhe provon të luajë njëlloj si më parë, por Kiko nuk e arrin dot. Ajo nuk e braktis kurrë, por e mban gjithmonë afër vetes. Ne i urojmë Kikos shërim sa më të shpejtë dhe jetë sa më të gjatë së bashku me Watson.
Ju ftojmë të bëni dhe ju një “scroll” në historinë e Watson dhe Kiko, dhe gëzuar Ditën Ndërkombëtare të Qenve.
https://www.instagram.com/p/BxFir3MAimE/
