Shtyhet seanca për Klement Balilin i njohur si “Escobari i Ballkanit”. Mësohet se seanca e radhës në Gjykatën e Apelit do të mbahet më 11 shtator.
Në këtë gjykim Balili ka kërkuar heqjen e dënimit me 12 vite burg të marrë në Shkallën e Parë të Krimeve. Raportohet se kjo seancë dështoi për shkak të mosparaqitjes së avokati mbrojtës të Balilit, Theodhori Sollakut.
Kujtojmë se Balili u vetëdorëzua disa muaj më parë, pas 3 vitesh arrati. Tashmë ai pritet të vuajë dënimin në një burg të sigurisë së lartë i akuzuar për “Trafikim i lëndëve narkotike kryer në bashkëpunim në formën e grupit të strukturuar kriminal”, “Refuzim për deklarim dhe moskdeklarim, fshehje ose deklarim të rremë të pasurisë” dhe “Pastrim të produkteve të veprimtarisë kriminale”.
