Historiani Muhamet Mala ka dhënë disa sqarime lidhur me kuptimin e fjalës Kosovë.
Sipas tij, fjala Kosovë rrjedh nga gjuha sllave që do të thotë fusha e mëlleniave.
“Fjala Kosovë është një shprehje për një zog që në shqip i themi mëllenja me puplat e zeza dhe me pika të verdha edhe në sllavisht i thon “Kos”. Prapashtesa “ova” e fjalës “Kosova”, është prapashtesa që shënon fushën. Domethënë Fusha e Mëllenjave. Disa nuk e parapëlqejnë, për arsye se fjala “Kosovë” e ka origjinën sllave. Në fakt, sikurse ka dhe shumë toponime të tjera që janë, për arsye se fjala “Kosovë” nuk e hasim vetëm në Kosovë, e hasim edhe në Bosnje, Kroaci edhe në Bullgari. Të drejtën që mund të themi se fjala “Kosovë” është fjalë me origjinë sllave na i jep edhe fakti se autorët e tjerë, popuj të tjerë, të cilët kanë shkruar për Kosovën nuk e kanë përdorur termin sllav, për arsye se i është dukur i huaj. Për shembull gjermanët e quajnë “amsterfell”, sepse mëllenjes ose kos siç i thonë sllavët i thon “amster” edhe “fellt” është fusha, prandaj i thonë Fusha e Mëllenjave”.
https://www.facebook.com/dukagjinipersonale/videos/470896616978940/?t=16
