Tre persona mbetën të lënduar ditën e sotme, pas shpërthimit të një bombole të gazit helium në zonën e ish-Bllokut. Mësohet se ngjarja ka ndodhur në një prej dyqaneve që organizojnë aktivitete festive.
Sipas dyshimeve të para nga vendngjarja, flakët kanë nisur në argjendarinë, ku po kryheshin punime dhe janë përhapur më tej në katet e sipërme. Flakët përfshinë më pas dyqanin, ndërsa shpërthimi dyshohet të ketë ardhur pas rrjedhjes së gazit helium që shërben për mbushjen e tullumbaceve. Dyqani i organizimit të festave, ndodhej në një mur me argjendarinë.
Si pasojë e flakëve, katër persona mbetën të plagosur dhe janë dërguar me urgjencë në spital. Zjarri mbuloi më tym zonën përreth ndërsa ngjarja shkaktoi panik te banorët.
