Një ngjarje e rëndë është shënuar mbrëmjen e djeshme në qendër të Ersekës. është plagosur me thikë 35-vjeçari Ervis Këndezi.
Mësohet se pas një sherri banal të lindur pas një komenti të bërë në faqen e Facebook të kandidatit socialist për Bashkinë e Kolonjës Erjon Isai, kryetari i FRESSH Kolonjë ka plagosur me thikë një 35-vjeçar.
Sipas dëshmisë së të plagosurit, kreu i FRESSH në Kolonjë Pandi Cunge ka debatuar fillimisht me të, duke i kërkuar llogari për komentin në fjalë, më pas e ka qëlluar me thikë në krahë.
35 vjeçari po jep deklarimin në komisariatin e Kolonjës, ndërsa autori ende nuk është ndaluar nga policia.
