Pas një hetimi dy vjeçar nga Drejtoria e Përgjithshme e Doganave, qeveria shqiptare gjobit kompaninë Bankers Petroleum me shifrën rekord 120 milionë euro për evazion të rëndë fiskal.
Sipas hetimit kompania Bankers Petroleum gjatë viteve 2014-2018 ka shmangur të paktën 30 milionë euro detyrime akcizë për lëndën e parë, që përdoret në prodhimin e naftës bruto.
Gjoba prej 120 milionë euro përbën dënimin më të madh financiar të vendosur ndonjëherë në Shqipëri.
Kujtojmë se në vitin 2014 qeveria shqiptare vendosi ta taksojë solarin me akcizë pasi dyshonte se ky produkt edhe pse deklarohej si lëndë e pare për prodhimin e naftës ishte duke u shitur në treg duke krijuar kështu një skemë gjigande evazioni.
