Gazeta kryesore austriake “Die Presse” i ka kushtuar një shkrim rrugës së Shqipërisë për hapjen e negociatave me BE-në.
Gazeta shkruan sot se është marrë de facto vendimi i Bashkimit Europian në lidhje me Shqipërinë.
“Franca Hollanda, Danimarka por edhe Gjermania janë kundër ose nuk janë pro. Një vendim i tillë pritet t’i komunikohet komisionerit Hahn nga Këshilli i Ambasadorëve në BE këtë të mërkurë, gjatë takimit javor në Bruksel.”, -shprehet austriakja.
Sipas shkrimit në gazetë, “një diplomat europian i ka thënë se ka dyshime të mëdha për vullnetin e sinqertë për reforma nga qeveria Rama. Shihni protestat në Shqipëri dhe sidomos sesi reagon qeveria. A mund të dallosh aty një përpjekje? Dhe të mos harrojmë: ishte Komisioni Europian që para dy tre vjetësh paralajmëroi rrezikun e kapjes së shteti nga krimi i organizuar.”
E përditshmja austriake shkruan se kjo do ta penalizojë Shqipërinë për të mos arritur në destinacionin që dëshironte, dhe se një e tillë vlen edhe për Maqedoninë e Veriut.
