Mbrëmja e djeshme solli në Tiranë, eventin më glamour të vitit, ku të gjithë të famshmit bëhen bashkë si rrallë herë ndodh, për të ndjekur nga rreshti i parë i një pasarele gjigande sfilatën e “Geraldina Sposa”.
Në të gjashtëmbëdhjetën sfilatë, salloni i parë i veshjeve të nusërisë në Shqipëri që ka 24 vite eksperiencë, ka mbledhur plot një mijë të ftuar në një fashion shoë dhe event që është ndjekur prej mijëra të tjerëve live në rrjetet sociale.
E ndarë në tri shtylla kryesore, pasarela ka sjellë përpara të pranishmëve linjat kryesore të veshjeve që gjenden në sallon: në parakalimin e parë janë shfaqur rreth 20 fustane mbresëlënëse, duke nisur me ato me volum, të shumëlakmuara nga nuset shqiptare, për të vijuar me linjat më elegante dhe moderne, të gjitha të markës “Geraldina Sposa”.
https://www.instagram.com/p/ByIAU_tnePw/
